chance?…no chance!
Apr - 03 | By: 流料ROY | 3 comments.
Filed under : 流料ROY手記
老腦o既事，真係獲獲新鮮，獲獲金！繼前排[VIP笠炭粉賣事件]，又一新傑作，就係[2仔]合作店，[機會]電腦個老細[躂哥]比差人拉佐！平時好大口氣o既佢，係[VIP笠炭粉賣事件]發生之後仲話：都唔知佢老細[領呔甄]點諗既，搞餐懵先得果幾皮野！係我就一係唔搞，一搞就要搞大佢。一向食開大茶飯o既佢，今次真係堅過[VIP]，報紙話佢被控倆項串謀詐騙，倆項欺詐及一項串謀偽造賬目罪，又指佢地係02年至06年向創新科技署提供虛假賬目、文件同資料，而詐騙款項達一百萬！
[中央百貨]老細亞老馮，通常係啲事發生佐就會大大聲咁講：我地依啲正當人家，白手興家，唔做依啲野o既！你地啲代理都唔知搞乜鬼，平時啲貨平啲比我都唔得，係都要樁落啲細鋪度，搞啲乜野合作店呀，送炭粉呀…咁，緊係同我地做啦！話晒開佐十幾廿年，有信譽呀嘛！喺真係。
再一次証明，腦場啲生意邊度有以前咁好揾吖，個個都鬥價鬥到死為止，執多一蚊好似會死咁，有乜法子唔走鋼線呀！
一向有聽開ｔａｌｋｏｎｌｙ，你呢段野好似仲有下聞喎，不如爆埋佢啦！等你，你的BLOG須然白字多，唔緊要，最緊要夠真!我自己都係咁!
多謝支持，想寫，不過都係有難度。
支持你繼續爆料！
你d 流一些都不流！