大雄 1996-2008
Aug - 31 | By: 流料ROY | one comment.
Filed under : 流料ROY手記
半夜電話嚮起, 心知不妙, 老婆打黎, 佢話大雄死了…… 我未問原因, 我兩行眼淚已經流下, 聽老婆講, 可能係突發性心臟病, 黎得好突然, 訓佐係度好安祥咁去. 大雄係我依生人未見過咁乖咁聽話o既狗, 佢好人性化, 佢會知你開心同唔開心, 12年黎, 佢不分晝夜盡忠職守去保護我地, 亦帶比我地歡樂.
記得係11年前, 老婆係街執佐佢, 好開心咁跑到我當時係深水埗o既鋪頭, 仲好大聲咁講:「我執佐隻狗仔呀!!!」當時鋪頭仲有其他人, 大家都話依隻狗好乖, 毛色好米白好特別, 好似隻熊仔咁, 所以改佐佢叫「大雄」.
上年, 我搬出大埔o既時候, 老婆同我講, 話佢每晚都守住個門口, 好似同佢講主人未返黎, 好似等待緊我o既返黎咁, 大雄, 我永遠懷念你! 老婆對唔住!!!
我見幅相都覺得大雄好可愛,希望大雄已去了天堂. 我相信大雄會感受到你們對他的愛.