學種生果
Jul - 04 | By: 流料ROY | 4 comments.
Filed under : 流料ROY手記
近排鐘意佐種野，印象中，細個果陣都有種過紅豆同綠豆，時至今日，而家種野已經有好多種類，同埋方便好多，去到花園街，有現成成棵樹至種子，由＋元至幾佰元，我喜歡種果樹，可以種又有得食！最近種佐好多樣野，有芒果、提子、蕃茄、西瓜同哈蜜瓜。He..全部都係食o既多，見佢地快高長大，個人心情都好D！
其實我都係一個新丁，有好多野都唔知，好多野都係問人同上網搵，就好似買佐種子返黎要點發芽，同埋點樣去種，換盆、分盆、施肥同殺蟲。全部都係學問，唔怪得花王人工係高過做電腦技術員。網上有個Forum係講教人點種野，同埋好多圖片分亨，我覺得都唔錯。http://hkplants.com/index.php 我亦打算新開一版，黎分享吓我遇到o既問題同成果，希望大家都鐘意。
後記，其實上網之外，我諗住有書可以再睇吓，去佐旺角街市果間圖書館，係依度只係搵到關於教你去種花，養草，整特飲？美食同園藝之外，就無書教點去發芽、成長同收成，有乜要注意呀咁，我再去兒童區，全都都係講依D係乜野花，果D係乜野果，教種野可能太高風險同o徒時間，不如去超市買製成品又大又平好過？
種大麻?
種鴉片,搵大錢?
中國人再冇”東亞病夫”!
流料roy:
你個Blog,終於可以留言,我以為你封Blog添!
得閒上多啲 talkonly 吹水,冇咁悶,很多網友都鐘意聽你吹水.
聽到你吹水,隨時笑爆嘴.
唉….無計啦！求Netbugs做野！快佐啦！個Chatroom仲未掂呀！