家駒
Jul - 03 | By: 流料ROY | 2 comments.
Filed under : 流料ROY手記
朋友知我係Beyond Fans，送佐依隻CD比我，未打開已經好想喊，唔經唔覺家駒已經死佐＋五年，記得第一次見家駒係86年，係75週年童軍大露營，當時佢地做表演嘉賓，一開場，家駒係度…Woo..o.o..Woo..o.o..，其實係永遠等待依首歌o既開場，當時我諗大部份人都唔知佢係乜水，難得係依度咁無聊，有隊Rock Band係度唱野咪聽吓囉！
CD 跟佐D家駒相集同隻VCD，D相以前已經見過，無乜特別，最正係隻VCD，講返家駒以前作曲同錄音o既事，值得一睇，至於隻CD有五首歌，係家強代唱，不過聽果陣要好靜好投入，要代入家駒感受到佢好似係度唱咁，先覺得好聽，推介歌有他的結他同無人的演奏，作為家駒Fans，可以作為收藏。
roy兄你前排得閒應該去睇埋家駒個展覽,重多野睇….可惜係6月30己經完左了..
我同你一樣,係家駒既fans,我真係好鍾意家駒,我諗唔只鍾意..應該係愛佢先岩!隻CD我都有買,每當我聽家駒既原聲demo時,我都會好心痛同好掛住佢,不過我知道,家駒有更加好既地方要去,我會默默祝福佢,希望佢每日都可以自由自在地玩音樂.隻VCD都好正,睇番D片段,見到家駒既笑容,家駒既可愛…希望下一世可以再遇見家駒….另外都睇得出家強都用左好多心機係隻碟到,我都好想多謝家強!! 家駒精神永在!!!!!!