愛得太遲
Mar - 23 | By: 流料ROY | 2 comments.
Filed under : 流料ROY手記
好多網友問我依排忙乜，talkonly又唔見人，其實我去佐做義工啦、寫手記。同埋搞外父個喪禮！做義工都係照order做，無乜難度，頂多幫佢地裝修埋間屋，寫手記就難D，之前talkonly齋up，唔使稿，諗倒就爆，無難度。而家寫就辛苦好多，可能讀得書少，好多好想寫o既野，唔知點表達！再加上唔識打中文，要用手寫板，變佐難度加多2分。睇黎加返錄音好D，起碼傳神D，同埋自己易控制個節奏快慢。
我甚少提及我老婆，因為某D原因，依度唔講，外父o既死，真係好突然，外母第一個接受唔倒，記得佢係醫院追住個醫生打，問點解唔救佢，當時場面好混亂，最後要六個醫護人員先搞得掂，我老婆一家當日的確係失晒控，最冷靜既都係我，可能大家宗教信仰唔同，我信o既基督教係永生o既，只要堅持信念，就一定可以再見，而家只係暫時分開，彩虹下的約會，係我o既信念。
依倆個禮拜，外母一家東奔西跑，佢就日日要生要死，又要搞喪禮，又要日日燒金銀衣紙，頭七尾七加回魂夜都未到正題，31號先至出殯。搞咁多為乜？就係外父身前吹雞都無人理，個個都話忙，唔得閒！古巨基講得啱：
最心痛是 愛得太遲
有些心意 不可等某個日子
盲目地發奮 忙忙忙其實自私
夢中也習慣 有壓力要我得志
愛一個字 也需要及時
只差一秒 心聲都已變歷史
為何未放肆 見我愛見的相知
要抱要吻要怎麼也好
不要相信一切有下次
相擁我所愛又花幾多秒 這幾秒
能夠做到又有多少
未算少 足夠遺憾忘掉
……不要等到天上俯瞰！
Pray for you & your family !
樹欲靜而風不止、子欲養而親不在