測試員？！
Jan - 19 | By: 流料ROY | 2 comments.
Filed under : 流料ROY手記
今日見工非常順利，可能信心爆柵嘅關係，interview果陣，尤如猛虎出籠，一路講一路好似有啲獅子老虎大笨象，係面前走過！不竟咁好都係要「等」。跟住走佐去7仔用廿蚊買佐張pccw wifi 卡，一心諗住係灣仔坐下，順便上下網，寫吓野，我由華潤果邊坐低，用部UMPC search倒pccw 係full晒嘅，但係login唔倒，心諗可能依度太多cafe，太多人用，一時busy啫！唯有行過少少再試，越試越唔對路，可能依度有問題，所以再行過啲，行吓又試吓，行佐去中環廣場都係唔得，唯有行埋去匯展！仲衰！連login畫面都去唔倒，唯有又行返過去電腦城天橋果面再試，都係唔得又繼續行佐去電腦城樓下，結果係入佐麥記都唔得，唯有用返手機個3G，一上就上倒，仲好怏好順暢，卒之可以坐低唞吓，係依個時侯，部umpc無晒電，真係火都黎，唔經唔覺係灣仔測試個pccw wifi巳經成倆個幾鐘，無乜必要真係唔好用。
IT geek 就係咁 … 都唔知為乜 …
去得會展, 點解唔用佢個FREE WIFI?