搵佐成個月工，終於有工見，仲約埋時間，話晒都係大公司，所以準備好啲。戰衣一個唔少得嘅outlook，不過，為佐見工，又將把長頭髮剪佐！無法啦！搵工緊要啲，遲啲再留過！但係發現唔見佐最重要嘅reference letter 同履歷，突然間成個人down晒，點解個天要玩我？個天真係唔比機會我？一時間唔知點算好，但係坐佐係度得個諗字都無用，唯有用返唔夠一日時間再重新整過，好在以前啲雜誌仲有keep住，但係reference letter去邊度搵？唯有搵返以前啲老細幫吓手，第一站就走返去中央百貨，咁啱撞見老羅，一個絕對唔易親近嘅人，都無法啦！都要頂硬上，一見倒佢就用契弟式跪拜問佢，老羅竟然用好高傲嘅眼神啤一啤我，跟住同我講：「做咩呀？出去搵工都唔返黎做？家陣我地好失禮你呀！返黎做咪唔駛乜信物信囉！」聽佢講完我心定晒，老羅I Love U！無諗過第一站咁順利，第二站去佐專業魔術(依個名係達明改既) ，見倒陳生，又唔知點解一問就即刻比，印刷仲好精美潻！臨走前仲同我講，唔掂咪返黎囉！多謝你呀陳生！再飛車入去沙田一第三站，返到去等佐老馮一陣，佢同我講今日好忙，依度張枱有電腦有printer，自己打，打完搵我簽名，好在早有準備嘅我，即刻將預先打好嘅file print返出黎，搞掂即刻走人，經過維修部，已經人去留空，好懷念roller girl、professor v ga同所有經典場面，不過人要向前看，再見啦！係依度要衷心多謝以前咁多位老細，對我仍然支持，同不離不棄！我會努力見好依份工。