機械人
Jan - 06 | By: 流料ROY | 5 comments.
Filed under : 流料ROY手記
我唔明白「神」一開始唔去做機械人，而去做人，做機械人只要預設一o的程式，例如：依班人係負責做工人，凈係返工同放工，依班人係負責做老細，凈係識得計劃，依班人係負責做乜乜物物……。咁就唔會好似人類咁有思想、有感情、有煩腦、有私心、有野心、有欲望、有生老病死……等等。依個世界就好完美！起碼無戰爭、無飢荒、唔會再怕乜野病毒、乜野問題都無晒，只要所有人跟住個可能叫「愛」o既程式而行就得，如果好似聖經所講，如果最終所有人上晒天堂o既話，咁假設天堂都係無名、無利、無煩腦、無感情、甚至乎無分你我，個個都好開心快樂o既話，咁咪即係同機械人有乜分別，全部人都係跟住「神」所預定o既「愛」程式去生活，我指即係聖經埋面有講過o的乜野安排、乜野戒律咁。一早做晒機械人咪唔駛搞到而家咁多問題，咁多煩腦。咁當然現實始終係現實，跟本無人知天堂係點、係天堂點樣去生活。係依度我係唔明知至咁寫，好希望有人解答倒。
其實你心裡面都應該知道神究竟是甚麼﹐為甚麼會有天堂﹐為甚麼會有地獄。只要你相信﹐就那裡都可以是天堂﹐那裡都可以是地獄﹐生由心生﹐宗教可以靜化你的心神。只是你相信﹐而不是懷疑。你的聖靈會告訴你的甚麼是正確的﹐而且它會引導你到正確的道路﹐假若你還沒有聖靈﹐多D返教會拉。
星期六我睇左「魔間傳奇I am Legend」，當中，韋史密夫一直獨個留守係紐約，直到有兩母子出現救了他，並告訴他有一個地方不受細菌污染，可以安全生活，可是韋史密夫一直不相信，直到尾段結局，真係出現好似天堂既的地方。
信，在乎有冇信錯。仲有，當你真心信，就要揸住佢唔放果種，好似回魂夜套戲既中心思想「信就得嫁啦，信就飛到出去」一樣！
“我唔明白「神」一開始唔去做機械人，而去做人…”
我咁睇，上帝創造世界，其精妙之處係取美妙既平衡，每件事，一環扣一環，好似生物鏈咁，都係計算精確，人類科技，都係不段模仿，至於你講神」一開始唔去做機械人，而去做人，你以一早界定機械人依個定義，即係金屬加電腦晶片構成他型物件，但你又點知上帝既機械人定義呢？可能我同你依定既型麅，就係上帝既機械人定義，不過出廠果時，係人造人咁解。
我都嘗試下解答呢個問題.
“我唔明白「神」一開始唔去做機械人，而去做人…”
其實是出予愛的一種.
神創造我們的時候,給了我們思想,感覺,智慧,更加給了我們自由意志.自由意志就是我們會自己選擇信唔信祂,愛唔愛祂.我們有選擇的思想.神並沒有好似造機械人一樣造我們,完全因為出予愛,祂給了我們選擇權.如果愛是出予強制性,那就不是愛了.神造我們的時候,給了我們自由意志.祂等我們自己去選擇.你可以選擇唔信,唔愛 忘記,背棄神.但是,根據聖經講,世界是短暫的,天國才是永恆的.你的選擇是會影響到你將來和神是永遠一起,或者是同神永遠分開.
「人不只有生物中最高的生命，並且是照著神的形像，按著神的樣式創造的。」（創一26～27。）
若創造出來的是沒有自由意志的機械人，大概我們也無法在此刻思考「為何神不創造機械人」。
雖然很難了解「不再有死亡，也不再有悲哀、哭號……因為以前的事都過去了。」（啟21：4）是一個怎麼樣的世界，但在俗世正正就是因為有麻煩，有困難的時候，才可以定義出何謂快樂，讓我們感受到。
呢個問題，我早年都想過。比自己的答案︰神造人，其實並不為了人，是為神的「自我」了解。神能造世界，表示神不是世界任何一部份，祂不能從客觀角度觀察自我，所以祂將一小部份意識分出去，造成「人」。從人的角度用一生的時間去思考神。人死後意識會返回 神的意識海中。