神奇四俠2
Dec - 04 | By: 流料ROY | 4 comments.
Filed under : 流料ROY手記
P同事二十出頭，係新入行，做佐大約一年，佢對地產依行o既熱誠，係全公司之冠，佢對九龍站o既樓盤真係料如指掌，好似凱旋門一共有77個呎數同價錢，全部都記得一清二楚！仲有邊個業主姓乜住係邊都知。再加上佢o既勤力同鬥心，真係非一般廿歲後生仔可媲。依件事發生係前日，話說有個亞叔一大早行入黎，P同事第一時間問佢有乜幫手，亞叔冇埋佢，到T同事再出手，亞叔仍然無動於衷，直至A同事，人稱「神奇女俠」截擊成功，講明「神奇女俠」緊係神奇四俠之一， 亞叔話要買大單位問女俠有冇好介紹，女俠就攞佐一個鎖匙盤出佐去，大半個鐘後，亞叔唔講價之餘，仲用佐超高價買佐依個單位，女俠自然好開心，今朝一大早，亞叔又走入黎搵女俠問仲有乜單位好介紹，女俠又攞佐一個鎖匙盤出佐去，又係大半個鐘後，結果又係超高價買佐依個單位。女俠係依倆日就係咁依袋佐差唔多廿萬。P同事眼見女俠咁利害，一初都有啲不甘，但係好快又繼續工作，佢心信有一日會靠自已搵得到，我亦相信假以時日佢一定可以，P同事努力呀！
佩服佩服~
這種就就”香港精神”之一，打不死！
祝佢早日有回報。
唔，係佢既財，入佢個代。
Thanks for sharing