神奇四俠？
Oct - 30 | By: 流料ROY | 7 comments.
Filed under : 流料ROY手記
T同事同P同事係公司出名由手好閒、無所事事，眼見佢倆條友成日遲到早退，仲玩失踪，更被譽為新一集神奇四俠男主角「潛水俠」大熱人選！可想而知，佢地幾利害。依件事係發生係早幾日一個下晝，T同事咁啱見倒有個著背心短裙o既女仔係鋪頭行過，T同事即刻飛撲出去正想女之際，可能速度太快，又咁啱就撞倒門口一個大陸人，係有意見無意之中，原來個客正想搵樓，係T同事三吾識七、九唔搭八之下就帶佐佢去睇樓。直到夜晚，我忙完返到公司，先知道個客跟佢成交佐4680萬單位，佣金佰幾萬，T同事落袋都成五十萬。
尋日下晝，T同事係度得意忘形，大搖大擺之際，個大陸人又走入黎搵佢，問T同事早幾日個單位詳情，T同事態度囂張，知吾以對之下比佐本樓書個客就推走佐佢，大半個鐘頭後，T同事換佐潛水衣，正想潛水之際，個大陸人又行入黎，仲拉住T同事。又到夜晚，我又忙完返到公司，個客又跟佢買多個4420萬單位，佣金同樣過佰，唔同o既係，T同事落袋已經過佰萬。
Roy, you will have this kind of luck soon.
阿Roy, 係時候練好Ｄ國語拉!
一命二運三風水…..無法
見唔見到 T同事背後,有成班鬼跟住佢呀?要還架,時晨未到.
流料roy,點樣可以入行?帶我入行,我去你公司見工,話你介紹.
人生就係咁諷刺，努力一輩子，都只能夠糊口，有些人輕輕鬆鬆渡日，反而生活無懮，信命的，會說註定，信科學的，會說是社會進步了有錢人多了，信神的，會說是神安排，Roy哥，希望下一個幸運兒係你！
Thanks for sharing