朋友
Jun - 02 | By: 流料ROY | 3 comments.
Filed under : 流料ROY手記
今朝訓醒，突然諗起曹操短歌行裡面幾句詩歌「青青子衿，悠悠我心，但為君故，沉唸至今」，係指當時曹操扮望好想有人才出現，黎幫佢實現统一霸業，可惜最終都無出現。「子衿」現今指朋友，近排發生咁多事o既我，原來唔會好似曹操咁無朋友，我睇返啲留言，您地都係發自內心而寫，好多謝您地o既支持！個個對我不離不棄，仲有talkonly一家人，連IFG平時做完節目就走人，尋晚都出現，如果依生人無朋友o既話，應該係話每次有難關要闖o既時侯，朋友就會出現！可以話無朋友就無流料ROY！正能量o既我，又再一次燃燒！因為流料ROY係「打不死」！
金句：來自Rocky 6
「But it ain’t about how hard you hit!
it’s about how hard you can get hit and keep movin’forward,
how much you can take and keep movin’forward!
重點唔係出手有幾重，而係你能夠承受幾多衝擊仲可以繼續向前行。」
今日我揀選依首歌亦都係我o既心聲， AlanTam o既 「朋友」希望大家身邊都有好朋友支持！
棄我去者昨日之日不可留,亂我心者今日之日多煩憂。過去的讓它過去，最重要的是女兒，男人無老婆一樣生活，但細路女無老竇會好慘，這是我經驗之談，謹記謹記。
流料，加油啊！
失去才知可貴! 聽說你與女兒甚少見面, 記著要花多點時間陪伴女兒。