一世夠運？
Apr - 28 | By: 流料ROY | 4 comments.
Filed under : 流料ROY手記
尋日同舊同事飲野果陣，講開我星期六要考試，佢問我咁大個人仲要讀書？唔係掛？不如留返啲時間去睇吓股票同買吓馬好過。我話抄股票唔係長遠，短抄IPO又唔係一定中，需然我自已都有炒股票，但係唔係次次都有斬獲，如果坐貨，分分鐘要坐成年！所以我覺得讀多啲書，唔係會發達，起碼可以保障返自已個收入。但係如果好似我依個朋友咁，佢都係做電腦support o既，但係唔識電腦，連英文廿六個字都未必識得晒，見倒外國同大陸佬，會掉頭走，但係公司裁員，佢可以安然渡過！
未計佢平時啲馬仔，佢抽IPO已經好掂！2007、717同3993都抽中，凈係依幾隻已經夠出雙糧有多！佢又有個千依百順o既女友，做人做到咁，真係仲想點？臨走經過投注站，我話你咁旺，我就搭單買六合彩，十張簡一張，我就中佐五獎三佰二！佢就中佐四獎四仟八佰蚊！你話死未？
自問，自己真係無乜運行，但係做人日日凈係等運到，人生又點會精彩？比我簡，我都係鐘意流料ROY依個生活模式！
Work hard for exam on Today ! Your attitude is Good ! Lucky is not always around you ! I think you had gotten great fortune as before and know how it pass away in very shor time. Do’nt trust the luck !
人既一生，最終用甚麼來評核價值？你朋友的生活不俗，但在佢內心，讀書少可能係佢遺憾…(呢個我估啦)
錢會洗左，至少知識會永遠跟著你，知識就是財富。
祝佢好運！
我老闆從不賭錢，但係以前見D同事買下馬，佢又跟住亂買，次次買幾百咁，但好多時都中近千幾蚊咁？其中有幾次就係釘張馬報上牆，再晌好遠搵支氣創亂射，中邊隻買邊隻，但咁都俾佢執幾千。當然之後輸幾次，就以後無買啦。我間公司以前好多人中六合彩，計埋有一個頭獎、一個二獎、兩個三獎、其他的…無計到。家下唔知係咪風水轉移，無晒囉！