家住大埔
Mar - 19 | By: 流料ROY | 2 comments.
Filed under : 流料ROY大發現
我屋企係大埔吐路港附近既村屋，無車到、無人到，好清靜、好舒服，連埋我都係得三戶人，但係好唔方便，落佐車要行20分鐘先到，屋企天花板住佐一家三口大蜘蛛。成日係天花板行黎行去，不過印象中無落過黎，佢地既世界凈係得個天花板，真係慘。除佐佢地外面常見有十二吋長蜈蚣、青蛙、青竹蛇、箭豬、野豬同不知明既昆蟲。好多人都千山萬水走去鳳園影昆蟲，我就係屋企就揾倒。朋友好多時黎我屋企一次就夠，以後打死都唔黎！
講起鄰居，除佐野生動物昆蟲、仲有村長一家同專做夜工既豪哥，咁多年黎佢同Batman無分別，日頭厘埋係屋，夜晚出動，咁耐以黎我都係見過佢倆次面。其實原本樓上仲有一對夫婦，印象中，佢地好似住佐倆個星期走佐。因為佢老婆頂唔順，話好猛，梗係啦，我地住緊果度之前係村長祖宗祠堂，村長後生果陣嗜睹，所以輸佐比人，然後拆佐起村屋，我地就搬佐入黎住。村長唔怕因為係佢屋企仙人，亞豪又好日唔見，得返我又由細見到大，所以咪住咁耐o羅。
有次村長同我講，叫我無乜必要就唔好行去出面蕉林果度，我心諗唔係有乜鬼怪嘢嘛！佢話見倒蕉林果度D蕉樹有D符咒係度，我就行去八吓o羅，我睇一睇依D好似符咒既野，係我夜晚噴模型果陣留低既，唔通係屋企噴咩！村長！
2 Responses to “家住大埔”
唔洗錢我都唔會住既地方 — October 17, 2007 @ 2:51 pm
RSS feed for comments on this post. TrackBack URI
hello, 我近排都單拖搬左去大埔村屋住, 我又係成日見鬼架, 不過我唔驚,昆蟲都唔驚, 很高興認識你!