今朝搭車返工果陣, 坐我前面兩個女人係度講緊個仔中一派位問題, 我唔知佢地考得好唔好, 不過, 我淨係知道佢地都係講緊派位派得唔好既問題, 佢地都好擔心個仔既將來間學校會教得唔好, 又驚個仔好易學壞.
其實我都好明白, 作為父母都會擔心個仔唔知會遇到啲咩人, 講真學校教育係一個問題, 先唔講依個問題, 父母本身既教養亦都係一個問題, 係度我唔係歧視低下階層既人, 我本身讀書都唔多, 都係黎自低下階層, 就係咁, 我就係開始慢慢比社會淘汰既一群, 比上不足, 比下有餘, 我都算有一技之長, 我係度講既係, 我最近認識一位五十多歲朋友, 佢係地盤工作, 佢真係一名老粗, 講野大大聲冇禮貌之餘, 嫖賭飲吹無一不嗜, 佢有一個十二歲大既仔, 佢個仔既行為同佢阿爸一樣, 係我地大家都唔會認同, 再加上我依個朋友身邊所認識既人都係黎自同一個地方, 影響個仔都好深遠.
近日係坪輋村發生既滅門慘案, 個男戶主一家四口就係比佢一個黎自大陸既表哥, 因為錢銀爭執問題, 所以導致慘劇發生, 我睇倒依段新聞之後, 我真係諗唔倒點解可以咁冇人性, 連細路都唔放過, 就算終身監禁真係益佐個兇手, 除佐本身修養問題, 仲有係週邊既朋友, 遇到啲咩人都會好影響將來, 我亦明白到讀書唔係一定搵好多錢, 但係至少可以保障倒自己既將來, 至少搵既錢多佐, 認識既人唔同佐, 居住環境改變佐, 從而生活可以得到保障.
RSS feed for comments on this post. TrackBack URI