對不起！同學仔！
Mar - 26 | By: 流料ROY | 4 comments.
Filed under : 流料ROY手記
我從來無諗過，個blog有咁多學生睇，波叔出城！係紀錄佐當時亞叔o既經典對話同暴行，其實想話比大家知，佢幾咁可恥。亞叔真係好粗口，十個字有九個字都係粗口，第十個字係標點乎號！當中當然唔少得精美鹵味呀，海鮮呀咁！為佐忠於原著o既關係，我係對白內容盡量剪剪剪，再剪就無野寫。同埋要令網友睇得過引，笑自內心o既原則下，加佐一句粗口，無錯係一句咁大把！其實想張當時o既火爆場面形容得好D！
今日有個亞Sir，email比我，內容係講佢係一間中學老師，佢發現有學生睇我o既blog，(多謝先！)email內容大致係話，關於內容有好有唔好，好似愛得太遲同此刻無價都好好，(再多謝！)但係D鬼故事就好浮跨，波叔出城有粗口，(吓！…)鬼故事內容唔講住，因為可信程度極低，(吓！…)但係波叔出城就確實有粗口，以後在寫作前可唔可以諗下其他人……多謝！
其實我可以唔理佢，區區一個blog可以影响倒佢地一生？未免太跨大，不過又基於寫唔寫粗口，都唔會有乜影响，我就唔寫吧！至於鬼故就……一定堅持到底。
其實也不必在意, 學生哥唔睇blog都有好多途徑接觸粗口, 一個人講唔講粗口係控制到, 你識唔代表要講
呢d先至係[通識教育]呀 … 透過日常生活去知道講粗口有咩唔好呀, 唔通下下真係d老師叫個學生呢樣唔好做, 個學生白白痴痴咁又跟住做完全唔駛經過學生自己思考咁跟住做咩 ? 做咩唔比學生自己用下個腦諗下野 ?
我覺得粗口係文化一種，在世界上好多民族的語言一直都有粗口流傳下落。所以不必去迴避，也不需把粗口”強化”，你估學生在學校唔講粗口嗎？你估D亞sir又晌咩環境下長大呢？我倒覺得D老師若認為你的blog寫得有問題，應該跟同學”慢慢輔導”，難道學生看的每一個網頁，也要受老師的”審批”？老師說你寫作前諗下其他人，他在寫email給你時又有無諗會俾左個道德規范你呢？
我諗果老師mail俾你，都係唔想自己面對呢D事，將個波交俾你！
小果个老师啦, 老西都要坚持到底啊!!!