此刻無價！
Mar - 21 | By: 流料ROY | 2 comments.
Filed under : 流料ROY手記
我之前有同大家講過，我有做電腦義工去幫D貧窮家庭安裝電腦，今日都唔例外。我派佐去深水埗一個五人家庭，同以往差唔多，都係五個人逼埋一間佰多呎o既板間房度，今次有少少唔同，而係倆公婆加三個女，大女七歲讀二年班，每個隔年半倒，個亞媽仲係大住個肚，即係黎埂仲多一個，全屋都係靠亞爸做地盤頂住，我唔介意佢地係新移民，一家好有禮貌，相比之前我遇過D好高尚，好有錢，佢地淨係識得呼呼喝喝，全無人情可言。
做義工o既好處係有時間就可以幫人，安裝佐成倆個幾鐘，因為地方實在太細，揾得地方黎，電源又唔夠長，結果要揾人幫佢地拉過D線，好在有個做電工o既好朋友，佢都很放工唔去玩走黎幫拖，係依度要多謝佢，同以往一樣，都係唔包寬頻，又係得物無所用！佢亞媽以為政府有D唔駛錢o既無線寬頻 ，我就話比佢知，而家政府先話開始安裝，仲要係圖書館，球場先有，唔會Cover倒住宅，我知道小學有好多功課要上網做，我有個女我好明白，但係真係無耐。
做完野都好夜，佢地一家好有禮貌咁多謝幫忙，仲邀請佐我係度食飯，需然做餐懵都無錢收，但係見倒佢地發自內心o既笑容，我覺得係值得o既。
做義工雖無錢，但換到比錢更有義意開心。
如果我有興趣做這類義工，可以去哪裡找呢？