我沒有父親節！
Jun - 19 | By: 流料ROY | 4 comments.
Filed under : 流料ROY手記
父親節果日梗係同老豆一家人食飯，老豆話難得一家人齊齊整整、平平安安，已經係佢一身人可以遇不可求。佢咁開心係因為成家人都有自己事業同家庭。老豆仲話：「你地大學唔夠，可以再讀，我問人借都要比你地讀上去，試問邊度有老豆唔比仔女生性去讀書？我後生捱得咁生苦係值得既。」話晒佢一個人搵錢養晒我地八兄弟姊妹，全部都仲要港大畢業(本人除外)，直係唔野少。
話分倆頭，食完飯，我約佐個朋友飲野。我問佢父親節去佐邊度食飯，佢一口就話無，印象中，識佐咁多年好似未聽過佢提起過佢老豆，唔通……。佢就攞住支煙，大大力扯佐一淡，就講佐廿二年前父親節一個晚上，佢話佢老豆一向有吸毒同賣白粉，果晚佢老豆話同佢落街食飯，所以叫佢去冲凉先，而佢老豆就係屋企繼續製毒同包裝，突然間差人上門破門入屋，而佢老豆就第一時間衝入廁所，將啲白粉冲走，臨急之際，佢老豆竟然將其餘白粉，叫佢個女攞住，仲話比差人捉倒妳咁細個唔會有事，當差人入到屋，第一時間當然拉佐佢老豆，但係亦都拉埋依個細路女，就係咁依個細路就判佐入女童院三年，一個品學兼優o既細路女，就係咁比佢老豆改變佐佢o既一生！當然係女童院o既辛酸事又有幾多人知？到今時今日佢亦無辨法去寬恕佢老豆當年o既所作所為，當然佢老豆甘多年黎都係過住啲毒海生活，監獄就好似酒店一樣，每年一定要去坐吓行吓。佢問我，如果我係佢，我而家仲會原諒佢？
會。因為遲早都會原諒佢。
流料Roy,乜你有咁多兄弟姊妹,仲個個港大畢業,勁喎!
咁點解十幾年前,你要瞓球場,通渠,做地盤打雜?你排第幾架?
做人可以做到, forgive and forget雖然係好難, 但如做得到, 所有人都開心D
無錯，Phoebe 講得啱。
如果主角個老父有悔過之心，都值得完諒的。
正能量！