凍檸茶攞走！
Apr - 20 | By: 流料ROY | 2 comments.
Filed under : 流料ROY手記
今日晏晝係旺角茶餐廳食野果陣，無意中聽倒抬後面倆個哥仔對話，從對話中知道，佢地應該係同事兼好朋友，內容大致係，a哥：我尋日晏晝見你好似做唔切，其實無乜理由，你個位乜都唔馳做，淨係切野，啲客都排晒長籠？(我估佢地應該做廚房)b哥：之前有c哥幫手，今日無咪出事囉，咁你又係度掛住睇唔幫手？a哥：我好忙！我之前都係咁做啦，又唔見出面排長籠？唔好話你糞！b哥：你忙乜吖，我就由朝做到晚，你就由朝撚女撚到晚！a哥：唔係我叫你入黎做，你有X得忙呀？b哥：老闆問起，唔係我幫你講好野，你有得升呀！a哥：我升職係靠我自已實力o既，比著你咁糞，升條X呀！b哥：唔係我介詔條女比你個雞蟲識，你個卜街一早比雞啄死佐啦！仲有得升咩？(係依個時侯，我知道大事不妙，正當我執梗野企起身之際……)a哥：我X你老母呀！(大約半杯凍檸茶從天而降)而家乜X野事先，我以後唔X埋你，話之你訓街！(a哥走佐，而我就濕佐半身！)
避免旺角茶餐廳食野, 經常發生這事.小心!!
唉，食食吓野都有此一刧。
小心小心！